О Великом Князи Кгидимине…

О ВЕЛИКОМ КНЯЗИ КГИДИМИНЕ, ЯК ТРОКИ ЗАРУБИЛ И ВИЛ(Ь)НЮ

Некоторого часу поехал князь великий Кгидимин з стол(ь)ца своего, с Кернова, в ловы за пять миль за реку Велью, и найдеть у пущы гору красную, дубровами и ровнинами обляглую, и сподобалося ему вельми, и он там поселился, и заложыл город, и назоветь имя ему Троки, где теперь Старые Троки, и с Кернова перенесеть столец свой на Троки. И в малых часех поехал после того князь великий Кгидимин в ловы от Трок за чотыри мили, и найдеть гору красную над рекою Вил(ь)нею, на которой знайдеть звера великого тура, и вбъеть его на той горе, где тепер зовуть Туря гора. И вел(ь)ми было позно до Троков ехати, и станеть на луцэ на Швинторозе, где першых великих князей жыгали, и обночовал тут. И спечи ему там, сон видел, што ж на горе, которую зывали Крывая, а тепер Лысая, стоить волк железный великий, а в нем ревуть, як бы сто вильков. И очутился от сна своего и мовить ворожбиту своему именем Лиздейку, который был найден ув Орлове гнезде, и был тот Лиздейко у князя Кги-димина ворожбитом найвышшым, а потом попом поганским: «Видел, дей, есми сон дивный». И споведал ему все, што ся ему у-во сне видело. И тот Лиздейко мовить господару: «Княже, волк великий жэлезный знаменуеть — город столечный тут будеть, а што в нем внутри ревуть, то слава его будеть слынути на весь свет. И князь великий Кгидымин назавтрее ж, не отеждчаючи, и послал по люди и заложыл город, один на Швинторозе Нижний, а другий на Крывой горе, которую тепер зовуть Лысою, и наречеть имя тым городом Вил(ь)ня. И збудовавшы городы перенесеть столец свой с Троков на Вил(ь)ню, и вчынить першым воеводою у Вил(ь)ни гэтмана своего Кгаштолта с Колюмнов, который был пойман от Немцов на Куносове. И кнежыл князь великий Кгедимин много лет на князстве Литовском, Руском и Жомойтском, и был справедливый, и много вальк мевал, и завжды зыскивал, и пановал фортунливе, оли ж до великое старости своее (…).

Пакінуць каментарый